MixX хамтлагийн гишүүдийн мэдээлэл
Манай сонин өмнөх дугаартаа “MIXX” хамтлагийн шинэ клипний нээлт болох талаар мэдээлсэн билээ. Тэгвэл өнөөдөр тус хамтлагийн гишүүд төслийн зохион байгуулагчдын хамт “MN” мэдээллийн төвд “Эс залуу” дууныхаа клипийн нээлтийг хийлээ. Энэ үеэр хамтлагийнхан хэзээ ч ам барьж дуулахгүй гэдгээ онцолсон. “Эс залуу” дууны үгийг Г.Нарангэрэл, аяыг хөгжмийн продюсер Г.Цэрэн зохиожээ.
“Making the band-3” төсөл ирэх сарын 30-нд дуусах бөгөөд энэ хугацаанд хамтлаг дөрвөн дуу, гурван клиптэй болох гэнэ. Хамтлагийнхан хоёр дахь “Зориулаад” дууныхаа клипийн ажилд шаргуу орж дуугаа Бээжинд бичүүлжээ. Хойшдоо “25 дугаар суваг” телевизийн дэргэдэх хамтлаг гэгдэх бөгөөд таван жилийн гэрээ байгуулан ажиллах юм байна. “Making the band” төслөөс “Anymone”, “Extacy” хамтлаг төрөн гарч, урлагийн ертөнцөд өөрсдийн орон зайгаа бий болгоод байгаа юм.
Хамтлагийн ахлагч Б.Болдбаатар
Төрсөн газар: Улаанбаатар хот
Төрсөн он сар өдөр: 1991.08.05
Сургууль: КУДС-ийн Кино зураглаач-найруулагчийн анги
Зан ааш: Хөгжилтэй, бага зэрэг түрэмгий
Хэлэх дуртай үг: “Би энд байна”
Дуртай хоол: Ногоотой шөл
Чөлөөт цагаараа хийх дуртай зүйл: Сагс тоглох, усанд сэлэх
Орд: Арслан
“СҮҮДРИЙН ГЭРЭЛ” КИНОНЫ ЗОЛБОО
Уншигчид маань түүнийг кинонд тоглосныг тэр бүр мэдэхгүй. Тэрбээр Архангай аймагт хийсэн “Сүүдрийн гэрэл” кинонд гуравдугаар курсдээ тогложээ. “Ки нонд тоглох хэцүү. Миний хүсэл мөрөөдөл хязгааргүй. Ам гарч болохгүй” гэсэн. Тус кинонд дөрвөн найзын тухай гардаг бөгөөд ээжтэйгээ амьдардаг Золбоо гэх даруухан, ухаантай залуугийн дүрийг бүтээсэн юм. Багадаа сагс их тоглодог байсан болохоор спортын хүн болохоор шийдсэн ч есдүгээр ангиасаа урлаг сонирхох болж, КУДС-д элсчээ. Ээж нь гадаадад амьдардаг учраас айлын ганц хүү тэрбээр эмээ дээрээ өсчээ.
Хамтлагийн гишүүн Б.Төгсжаргал
Төрсөн он сар өдөр: 1993.02.27
Төрсөн газар: Улаанбаатар хот
Сургууль: ШУТИС-ийн КТМС-ийн Маркетинг менежментийн анги
Зан ааш: Нээлттэй биш
Хэлэх дуртай үг: “Төгс хүн гэж энэ ертөнцөд байдаггүй. Гэхдээ төгс байхыг хичээнэ гэдэг нь өөрөө төгс зүйл юм”
Дуртай хоол: Бүх хоол
Чөлөөт цагаараа хийх дуртай зүйл: Бүжиглэх, интернэтээр аялж, урлагийн мэдээлэл цуглуулах
Орд: Загас
ХАМГИЙН ТУРШЛАГАТАЙ НЬ
Төгсөө хүсэж, мөрөөдөж, тэм үүлж өөрийгөө “шрупдэж”, энэ шоунд оролц сон гэдэг. Тэрбээр хамт лагийнхны гаа бод вол хамааг үй турш лагатай. Учир нь “Making the band-2” төсөлд шалгаран, “Extacy” хамтлагт байж байгаад өөрийн хүсэлтээр гарчээ. Тэрбээр найз залуутай ч түүнийхээ талаар дэл гэрэн гүй ярихаас татгалзсан. Монголчууд маань шинэ гарч ирж байгаа хамтлаг, дуучдаа дэмжээсэй гэж чин сэтгэлээсээ хүсдэг гэсэн.
Хамтлагийн гишүүн О.Гүнчин-Иш
Төрсөн газар: Улаанбаатар хот
Төрсөн он сар өдөр: 1991.10.27
Сургууль: УБДС-ийн Маркетинг менежментийн анги
Зан ааш: Цайлган
Хэлэх дуртай үг: “Амьддаа бие биенээ хайрлая”
Дуртай хоол: Цуйван
Чөлөөт цагаараа хийх дуртай зүйл: Сагс тоглох
Орд: Жинлүүр
КИНОНД ТОГЛОХ САНАЛ ИРВЭЛ...
Гүнчээ багадаа жүжигчин болохыг мөрөөддөг байжээ. МҮОНТ-ийн “Цоглог” редакцийн жүжигчний дугуйланд суралцаж, мөн “Титэм” редакцид ажиллаж байв. Гэвч том болоод бизнесийн салбарт хүчээ үзэхийг хүсэж энэ мэргэжлээ сон госон гэнэ. Түүнээс хэрэв кинонд тоглох санал ирвэл тоглох уу? гэж асуухад “Би багын мөрөөдлөө орхиогүй. Хэрэв тийм санал ирвэл хамтлагийнхантайгаа ярил цаж байж шийднэ” гэлээ.
Хамтлагийн гишүүн Х.Гүлназ
Төрсөн газар: Баян-Өлгий аймаг
Төрсөн он сар өдөр: Нууц
Мэргэжил: Герман хэлний орчуулагч
Зан ааш: Дөлгөөн
Хэлэх дуртай үг: Юм болгонд хэмжээ, хязгаар гэж байх ёстой
Дуртай хоол: Бууз, каз
Чөлөөт цагаараа хийх дуртай зүйл: Дуу сонсох, интернэтээр аялах
Орд: Арслан
НУУЦЛАГ МӨРӨӨДӨЛ НЬ БИЕЛЭВ
Тэр чимээгүй сууж чаддаггүй, байнга орилж, дуулж байдаг хүүхэд байсан гэнэ. Ээж нь “Миний охин таван минут чимээгүй байвал шагнана шүү” гэж аргаа барахдаа хэлдэг байв. Харин энэ зан нь түүнийг дуулахад нөлөөлсөн гэсэн. “Уралдаан тэмцээнд оръё гэж боддог ч зориг хүрдэггүй байсан. Харин “Making the band-3” шоунд зорилго тавьж орсон болохоор тэнцэнэ гэдэгтээ итгэлтэй байлаа” хэмээн Х.Гүлназ өгүүлсэн. Эцэг эх нь түүнийг урлагийн хүн болгохыг хүсээгүй учраас герман хэлний орчуулагч мэргэжилтэй болжээ. Харин одоо түүний хамгийн үнэнч шүтэн бишрэгчид нь гэр бүлийнхэн нь. Түүний сэтгэлдээ нууцалдаг байсан дуучин болох мөрөөдөл нь ийн биелж байна.
Хамтлагийн гишүүн Г.Энх-Амар
Төрсөн газар: Улаанбаатар хот
Төрсөн он сар өдөр: 1994.07.03
Сургууль: СУИС-ийн Мюзиклийн анги
Зан ааш: Хөгжилтэй
Хэлэх дуртай үг: Үгээ бодож хэлэх Үйлдлээ бодож хийх
Дуртай хоол: Ээжийнхээ хоолонд
Чөлөөт цагаараа хийх дуртай зүйл: Гитар тоглох
Орд: Мэлхий
НЭГДҮГЭЭРТ ГЭР БҮЛ, ХОЁРДУГААРТ ХАМТЛАГ
Нэвтрүүлэгт ороод хамтлагийн зургаан гишүүний нэг болсон нь түүний амьдралд гарсан хамгийн том өөрчлөлт аж. Түүнтэй нэг эмээ дэлгүүрт тааралдаад “Энэ чинь зурагтаар гардаг хүү юү дээ” гэхэд сайхан санагджээ. Түүний хувьд нэгдүгээрт гэр бүл, хоёрдугаарт хамтлаг нь байх болно гэв. Жижигхэн бэрхшээл гэхээр зүйл нь өдөр бүр завгүй байдаг учраас бага зэрэг ядардаг гэсэн.
Хамтлагийн гишүүн Г.Амаржил
Төрсөн газар: Улаанбаатар хот
Төрсөн он сар өдөр: Нууц
Мэргэжил: Гэр бүл судлаач
Зан ааш: Эрч хүчтэй, сэтгэлийн хөдөлгөөнтэй
Хэлэх дуртай үг: “Хичээнгүй хүний хүсэл биелнэ” Залхуу хүний хүсэл хойш түлхэгдэнэ
Дуртай хоол: Амттай хоол
Чөлөөт цагаараа хийх дуртай зүйл: Амьдралыг харуулсан кино үзэх, ном унших
Орд: Хонь
ӨДӨР БҮР БИБЛИ УНШДАГ
Тэрбээр УБДС-ийг гэр бүл судлаач мэргэжлээр дүүргэжээ. Гэр бүлээрээ Христэд итгэгч болоод зургаан жил болж байгаа. Спортлог гэр бүлийн хүүхэд хэмээн өөрийгөө тодорхойлсон тэрбээр дуулахаас гадна нугарах авъяастай. Аав, ээж нь гимнастикийн спортын мастер, эгч нь бас нугардаг. Харин удаах дүү нь дугуйн спортоор хичээллэдэг бол, бага дүү нь БНСУ-д циркийн жүжигчин. Г.Амаржил уран бүтээлээрээ Монголын залууст шинэлэг зүйл амтлуулахыг хүсч байна гэсэн. Амьдралынх нь хамгийн том зорилго урлагийн ертөнцөд тодорхой амжилт гаргаж, эцэг эхгүй, асрамжийн газрын хүүхдүүдэд туслах. Тэрбээр өдөр бүр библи уншдаг аж.За тэдэн дээ зориулаад сэтгэгдэлээ бичээд байна шүү.